ويندوز اكس بي + سيرفر ميكروتك على جهاز واحد

من طرف **PAIRO** 15/5/2010, 01:58

ويندوز اكس بي + سيرفر ميكروتك
على جهاز واحد

بسم الله

الرحمن الرحيم

ارجو تثبيت الموضوع لاهميته وحصريا علي شباب اونلاين

أنا انهارده جايب حل جميل لسيرفر المايكروتك
طبعا السيرفر بيحجز جهاز كامل مفيش منه استفاده في الشبكة
دلوقتي ممكن ننزل السيرفر بكل امكانياته على الجهاز الشخصي اللي في البيت
من غير ما نهدر جهاز كامل ونشتغل عليه عادي جدا
المزايا : توفير جهاز كامل للاستخدام الشحصي
العيوب : السيرفر يكون مرهون بحالة الويندوز ويتاثر بالتهنيج والفيروسات
.....الخ
التوصيات :عدم التحميل على الجهاز واستغلاله في ادارة الشبكة فقط والتصفح
مع مراعاة تشغيل انتي فيرس مناسب وكل واحد وشطارته انه يحافظ علي الويندوز
عشان يحافظ علي السيرفر
البرنامج اسمه VMware Workstation
طبعا في ناس كتير تعرفه كويس وسمعت عنه
وظيفته: اقدر منه احجز جزء من الهارد وجزء من الرامات والبروسيسور
ويخليهم اكنهم جهاز منفصل اقدر انزل عليه ويندوز او لينكس او أي نظام تشغيل
زي المايكروتك

ودا لينك نسخه من البرنامج هيا قديمة شوية بس اللي يعرف يجيب نسخة احدث
يجيب وكله هيبقي قريب من بعضه ان شاء الله
النسخه اللي عندي VMware Workstation v6.0.2 ACE Edition Build 59824
بس حجمها كبير 360 ميجا وانا رفعت الاصدار اللي قبلها شوية علي الرابط ده
مع ال****
الرابط :

من هنا

بعد كده التسطيب مش هيكون مشكله إن شاء الله واللي تقابله مشكله يعرضها
وان شاء الله نحاول نحلها
أول حاجه دي واجهة البرنامج بسيطة جدا بس تابعوا معايا الصور والشرح اللي
في الرابط اللي فوق عامل الواجب وزيادة بس انا هعيده علي السريع للاهميه
دي صورة عمل جهاز وهمي جديد
اتبع شرح الصور

[center]

في الصورة دي بنحدد مكان حفظ الجهاز الوهمي يستحسن ان يكون
على درايف مخصوص عشان لو الويندوز ضرب منعملش الموضوع دا من تاني نعمل فتح
فقط ويستحسن ان البارتيشن يكون NTFS لان الفات 32 ميشيلش ملف واحد حجمه
اكبر من 4 جيجا تقريبا ولو مفيش غير فات ممكن بعد كدة تقسم الملف الناتج
لعدة ملفات كل واحد 2 جيجا

من الصورة دي بنحدد حجم الرامات المستخدمة طبعا بتاخد من رامة الجهاز
متصغرهاش قوي ومتكبرهاش قوي ظبط حالك

خلي بالك دا اول المهم اعداد الشبكة الوهميه عشان تقرا من
كروت الشبكة الحقيقية

دا تعديل الكارت الاولعشان يعمل شير للكارت الحقيقي الاول

دا تعديل الكارت التاني عشان يعمل شير للكارت الحقيقي التاني

دا لو مشافش السي دي روم اختار الدرايف بتاعها يدوي

ودي لو عاوز تحط ايزو (اسطوانه وهميه ) بدا من استخدام السيدي روم

ودي شاشة تسطيب الميكروتك سواء من السيدي روم او من اسطوانة ايزو

ودي اخر صورة والسيرفر شغال

100 % وكارتين الشبكة باينين

طبعا الماكات هتكون وهميه يعني مش نفس ماكات الكروت الحقيقية

طبعا الموضوع دا حصري ان شاء الله ولو موجود في منتدي تاني هيكون مع توقيعي

ودا للاستفاده ان شاء الله

ارجو تثبيت الموضوع لاهميته

ارجو التفاعل مع الموضوع ولو في اي اقتراحات او استفسارات انا في الخدمه ان

شاء الله والحميع يستفيد

[/center]

من طرف **ahmedrafee** 13/6/2010, 17:19

الف شكر اخى الكريم على مساهمتك فى هذا المنتدى ونتقبل المزيد من مجهوداتك ان شاء الله

من طرف **ahmedrafee** 13/6/2010, 17:20

تم التثبيت[b]

من طرف ميدو مزيكا 17/9/2010, 18:27

السير فر مش بيطلع نت غير على الجهاز نفسة مش بيدى السوتش

ويندوز اكس بي + سيرفر ميكروتك على جهاز واحد

ويندوز اكس بي + سيرفر ميكروتك على جهاز واحد

رد: ويندوز اكس بي + سيرفر ميكروتك على جهاز واحد

رد: ويندوز اكس بي + سيرفر ميكروتك على جهاز واحد

رد: ويندوز اكس بي + سيرفر ميكروتك على جهاز واحد